PARNAAM SINGH - REALLY FUNNY URDU JOKES

Aik sardar ji cricket match daikhnay k shoqeen thay.
.
Unn k shehar mein unn ki pasandeeda teemon ka one day match ho raha tha.
.
Khushi khushi satdium pohnchay to yaad aaya keh ticket to ghar bhool aaye hein.
.
Ab ghar janay ka waqt nahi tha.
.
Unhon ne line mein kharray ho kar naee ticket khareednay ka faisla kiya.
.
Line bohat lambee thi, ghantay baad unn ki baari aaee keh kaheen se aawaaz aaee: "Oye Balbeer singh."
.
Sardar ji line chhorr kar bahar niklay to aawaaz denay wala nazar na aaya.
.
Itnay mein jaga pur ho chali.
.
Phir line mein kharra hona parra.
.
Kaee ghantay baad woh ticket khareed kar popcorn ki lambi line mein kharray huye.
.
Khuda khuda kar k popcorn walay k paas pohnch kar popcorn khareednay hi lagay keh phir koi zor se chilaya: "Oye Balbeer singh."
.
Sardar ji phir line chhorr kar niklay magar aawaaz denay wala nazar nahi aaya.
.
Phir se line mein lag kar unhon ne popcorn khareeday.
.
Match shuru ho chuka tha.
.
Dhakkay khatay sardar ji andar pohnchay, barri mushkil se apni seat talash ki, abhi baith hi rahay thay keh phir koi door se chilaya: "Oye Balbeer singh."
.
Sardar ji ne uth kar hujoom ki taraf munh kiya aur zor se bolay: "Oye mera naam Balbeer singh nahi, Parnaam singh hai."