FUNNY URDU JOKES - AABID SAHB SALAN MEIN

Naazish apnay ghar mein bohat barri party day rahi thi. . . . Bad qismati se unn ki masnuee battisee koi bhi dandaan saaz sahi taur per fit na kar saka. . . . Zyada batein (jo khwateen ki aadat hai) kartay waqt woh dheeli ho kar munh se bahar aanay lagti. . . . Unhon ne socha keh party mein khiffat na uthani parray chunaancheh aik mulazim ko hadayat ki keh tum meray munh per nazar rakhna aur junhi battisee ka upper wala hissa nazar aaye, mujh se kehna keh Aabid sahb gate per aa chukay hein. . . . Main khabar daar ho jaon gi aur munh band kar k pehlay battisee drust kar loon gi... . . . Party k doran jab woh mehv-e-guftugu theen to naukar ne do (2) martaba khabar daar kiya keh Aabid sahb gate per aa chukay hein lekin Naazish ne na suna. . . . Thorri dair baad unhein khayal aaya to naukar se poocha: "Tum kya keh rahay thay?" . . . "Ji begum sahiba! Main keh raha tha keh Aabid sahb gate per aa chukay hein... Lekin ab kya faeyda... Ab to woh salan walay dongay mein gir chukay hein."