MAIN NAHI JAANTA - VERY FUNNY URDU JOKES

Aik sahb ne apnay betay ka test lena chaha.
.
Farsi ki kitaab ulat palat kartay huye woh betay se bolay: "Batao 'Nameedanam' k maani kya hotay hein?"
.
Larkay ne jawab diya: "Main nahi janta."
.
Baap ko bohat ghussa aaya aur lagay betay ko peetnay.
.
Maar maar kar uss ka bhurkas nikaal diya aur bolay: "Chalo main tumharay ustad se poochta hoon. Itna arsa tumhein kya parrhatay rahay hein?"
.
Ghussay k aalam mein woh sahb ustad per baras parray aur bolay: "Muft ki tankhawhein batortay ho aur yahan aa kar apna aur bachon ka muft mein waqt zaya kartay ho. Main tumharay khilaaf report karta hoon."
.
Master ne poocha: "Aakhir hua kya hai?"
.
Baap bola: "Main ne farsi ki kitaab se sirf aik lafz poocha tha issay woh bhi nahi aaya."
.
Master sahb: "Kya poocha tha?"
.
Baap: "Main ne uss se poocha tha 'Nameedanam' k maani kya hotay hein?"
.
Master sahb larkay ki taraf mutwajjeh ho kar bolay: "Kion bhaee batao, 'Nameedanam' k maani kya hotay hein?"
.
Larka: "Main nahi janta."
.
"Theek hi to keh raha hai keh main nahi janta." Tab master sahb ne unhein bataya ke 'Nameedanam' k maani hi 'main nahi janta' hotay hein."